أربع تطبيقات ممكن تساعدك فى شهر رمضان

4 app 1
May 17, 2017

شهر رمضان الكريم على الأبواب, بعد كام يوم من دلوقتى هنكون بنحضر الفطار والشوارع مليانة زينة و أنوار و فوانيس. فى مصر بنشوف رمضان بصورة مختلفة و بنستناه كل سنة, بالنسبالنا هو وقت بيبعث فى قلوبنا الفرح والسعادة و حب العبادة أكتر. ولأننا بنصوم فى رمضان يومنا بيتأثر و إنتاجيتنا بتقل, عشان كدة  جبنا  تطبيقات تساعدكوا وإحنا معاكوا على الإستفادة من شهر رمضان الكريم خير إستفادة.

4 تطبيقات  هتساعدك تزود إنتاجيتك فى رمضان

التقدم التكنولوجى والبحث العلمى حاليا هدفهم الرئيسى هو تسهيل الحياة على الناس, عشان كده  هنتكلم عن تطبيقات تزود الإنتاجية و تساعدك تركز وتكون أكثر نشاطا. فى مصر عندنا عادات و عوامل بتأثر على يومنا فى خلال الشهر الكريم إزاى ممكن نقلل اللخبطة اللى بتحصل وننتج أكتر!! هنقولكوا دلوقتى  ركزوا معانا.

تراث رمضان Ramadan Legacy

رمضان ليجاسى هو واحد من التطبيقات اللى كان ترتبها الأول لمدة سنتين متتاليتين. كلنا بندخل رمضان وإحنا عندنا نية بتأدية العبادات كلها على أكمل وجه, مش هفوت ولا صلاة فى المسجد, هختم القرأن مره كل إسبوع على الأقل وهقرأ الأذكار الصبح وبليل وفى الأسحار كمان بس فى مننا كتير بيتوه بسبب التغيير الجزرى فى اليوم ومواعيد الأكل و النوم. التطبيق ده هيساعدك تظبط اليوم عن طريق بلانر فيها كل العبادات والمهام اللى المفروض تأديها خلال اليوم. و ميزه تانية كويسة جدا هى الReflection stream من خلالها بتقدر تشارك مع الناس فيديوهات وصور عن يومك فى رمضان أو نصائح. وجود مجتمع صحى بيشاركك نفس الحاجات بيساعدك تبنى عادات و تلتزم بيها حتى بعد إنتهاء الشهر الكريم.

 https://play.google.com/store/apps/details?id=com.ramadan.legacy&hl=en Screenshot_2017-05-16-13-56-12-44 (1) https://play.google.com/store/apps/details?id=com.ramadan.legacy&hl=en

تطبيق بيقولك Bey2olak

تطبيق بيقولك من الإختراعات الكويسة جدا واللى ساعدت فى حل جزء واحدة من أكبرمشاكل مصر “الزحمة”, طيب إيه علاقة ده برمضان؟! ببساطة الزحمة فى رمضان بتزيد بنسبة كبيرة على عكس المتوقع الجو حر والناس كلها صايمة, فى رمضان غالبا بنكون رايحين عزومة أو جايلنا ناس, طول اليوم بيكون فى حركة وفى ناس مبتروحش قبل الصبح. تطبيق بيقولك هيساعدك تعرف الشوارع الزحمة و الفاضية, هيساعدك توصل نفس المكان بأكتر من طريق. أهم حاجة هيساعدك توصل فى الوقت المناسب أكيد مش حابب المغرب يفوتك 😉

Screenshot_2017-05-16-13-42-14-71 For instant reach Phone: 064 3219595 Email : info@code95.com Website: http://code95.com/  Screenshot_2017-05-16-13-41-48-03

أطبخ بس Just Cook

فى شهر رمضان الكريم دايما يا عازمين حد يا معزومين وبسبب الصيام بنكون حاسين بكسل وفى نفس الوقت بنحاول نركز على تأدية الفروض و العبادات أكثر زى الصلاة و قرائة القرأن. ولأننا فى مصر من مظاهر الإحتفال بالشهر الكريم هو تقديم ما لذ وطاب من وجبات مصرية أصيلة و حلويات شرقية just cook تطبيق هيساعدك تعملى كل الأكل الى نفسك فيه و كمان يوفرلك وقت أكبر لتأدية العبادات من غير تعب. كل اللى عليكى تعمليه هو إنك تطلب الوجبة اللى حبيبها و هما هيجبوها لحد البيت بالمقادير اللى هتحتاجيها و طريقة التحضير وكل اللى عليك تعمليه هو إنك تطبقى الكلام ده فبكده هتوفرى وقت الشراء و كمان هتطبخى بنفسك و تريحى دماغك من التفكير فى إختيارات الأكل.

 Screenshot_2017-05-16-13-57-07-40 Screenshot_2017-05-16-13-57-11-69 Screenshot_2017-05-16-13-57-01-13

رمضان فيتنس Ramadan Fitness

من أحسن الحاجات فى رمضان هو الأكل و من أكتر الحاجات اللى نفسنا نتجنبها  زيادة الوزن اللى بتكون بسبب الحلويات الشرقية و العصائر ده غير طبعا الأكل اللى بنتفنن فىيه فى شهر رمضان. التطبيق ده مصمم على أيد خبراء تغذية ولياقة بدنية عشان يناسب شهر رمضان الكريم بكل التغيرات فى مواعيد الأكل والنوم. معظمنا بيصاب بكسل بسبب قلة الأكل قبل الفطار وكتر الأكل بعد الفطار رمضان فيتنس هيساعد على تجديد النشاط و حرق الدهون اللى هنكتسبها فى خلال الشهر.

 Ramadan Ramadan apps Screenshot_2017-05-16-13-57-50-35

شهر رمضان الكريم هو شهر عظيم جدا نقدر نعمل فيه حاجات كتير بس هو فى الأساس بيعتمد عليك و على إستغلالك للطاقة الإيجابية اللى بتكون منتشرة بسبب الخير و الحب فى الشهر الكريم, هو فرصة بيُتِحها لينا ربنا كل سنة عشان نكون النسخة الأحسن من نفسنا.

كل سنة و انتوا طيبين, أعاده الله علينا جميعا <3.

DO YOU HAVE A PROJECT IN MIND? WE CAN HELP.

Request Now