اليوم العالمى للتوحد: خمس تطبيقات للتواصل مع المصابين بمرض بالتوحد

Autism Apps
April 02, 2017

يوم 2 إبريل هو اليوم العالمى للتوحد, بدأ الإحتفال باليوم ده فى 2008 بعد إجماع جميع الدول الأعضاء فى الأمم المتحدة على أهمية تسليط الضوء على المشكلة والتوعية بكيفية التعامل معها. كتير من الناس شايفيين اليوم ده فرصة لتوصيل الصوت و لفت النظر لأشخاص إستثنائين قُدر ليهم أنهم يواجهوا ظروف مختلفة بقدرات خاصة, بتقابلهم مشاكل كتير فى المجتمع ولكن قدروا يثبتوا نجاح فى جميع المجالات ورسخوا فكرة إن لو إتوفر ليهم الإمكانيات المطلوبة و الظروف المناسبة هينجحوا أكيد

 اليوم العالمى للتوحد

من أكبر المشاكل اللى بتواجه مرضى التوحد هى القدرة على التواصل و التعبير عن نفسهم, والحقيقة إن دى مشكلة بتقابل الأهل كمان و بتحسسهم كتير بالإحباط, فكرة إنهم مش قادرين يوصلوا لأبنهم أو بنتهم مرعبة أحيانا. لكن العلم و التكنولوجيا الحديثة علجت معظم المشاكل دى و قربت المسافات اللى بتكون بين المصاب بالتوحد و المجتمع ودلوقتى هنعرض ليكم خمسة من أفضل التطبيقات اللى تقدر تحملها على تليفونك و تستخدمها للتواصل و متابعة حالة البطل اللى فى حياتك.

خمس تطبيقات للتواصل مع مرضى التوحد

 (Autism Track)أوتزم تراك

التطبيق دة معنى أسمه (مسار التوحد) وفيه بنقدر نسجل بيانات ليها علاقة بتصرفات و أعراض الأطفال بسهولة فى مكان واحد. ممكن إستخدامه كمعالج وتسجيل جرعات الأدوية والوجبات الغذائية عليه ومشركتها مع المدرسة و الدكاترة عشان يقدروا يتعاموا مع الطفل بطريقة مناسبة.

(Learn with Rufus)ليرن ويز روفوز

إتعلم مع روفوز هو تطبيق بيركز على مشاعر المصابين بالتوحد عن طريق شخصية كرتونية  بتساعدهم يفهموا تعبيرات الوش زى السعادة, الزعل والمفاجئة. إتعلم مع روفوز مصمم للتعامل مع أختلاف قدراتهم وإسلوب تعلمهم.  الهدف الرئيسى للتطبيق ده هو مساعدتهم على التعبير عن مشاعرهم والتعامل مع المجتمع المحيط بيهم. و ميحسوش إن هم فى صندوق مفيش حد عارف يوصلهم.

 (AAC Autism Talk Now)أوتزم توك ناو

من التحديات اللى بيقابلها المصاب بالتوحد هى صعوبة التواصل و التعلم عشان كده التطبيق ده إتصمم بطريقة تجمع بين التعلم و اللعب من خلال تحليل الصور, فهم الكلام واللعب بالشخصيات. التطبيق بيخدم إحتياجاتهم اليومية عن طريق الجُمل, الرموز والصور لتسهيل قدرتهم على التعلم و جمع المعلومات.

(Cognoa)كوجنوا

التطبيق رقم 4 بيساعد على إكتشاف المرض فى الوقت المناسب. مصمم للإجابة عن السؤال اللى بيفكر فيه أغلبية الأهل ( هل أبنى عنده مشكلة فى النمو؟!) كوجونوا بيأكد وجود المشكلة من عدم وجودها عن طريق مجموعة من الأسئلة ليها علاقة بالطفل وتصرفاتة وبيطلب تصوير فيديو مدته أقل من خمس دقائق ليوم الطفل العادى و يبدأ يحللهم بس أكيد ده ميغنيش عن الدكتور.

 (Dreampad)دريم باد

التطبيق ده متصل بمخدة و محولات بتصدر موسيقى مُرخية للأعصاب وذبذبات لتحسين النوم. فى دراسة قامت على أطفال مصابين بالتوحد أثبتت نجاح التطبيق ده وكنتيجة لإستخدامه تحسن فى النوم و فتراته وتقليل النوبات العصبية خلال اليوم.

التوحد هو تحدى بتقبله كتير من الأُسر وإحنا كمجتمع لازم نساعدهم و نشجعهم و نسهل عليهم من خلال الدعم و التفهم . المفروض نكون عندنا وعى كافى بأن المصابين بالتوحد ليهم مكان فى المجتمع و الطبيعى التعايش معاهم. هم مش أقلل أو أضعف بالعكس عندهم قدرات إحنا منقدرش نحتويها أو نتعامل معاها.فى اليوم العالمى للتوحد لتكنولوجيا هى طريقة  نوصل بيها إن إحنا فاهمين, متفهمين ومهتمين.

DO YOU HAVE A PROJECT IN MIND? WE CAN HELP.

Request Now